Үндсэн сайт |
ТӨРЛҮҮД
2012 оны төсвийн тодотголыг хэлэлцэж байна
УИХ-ын чуулганы үдээс хойшхи хуралдаан үргэлжилж байна. Уг хуралдаанаар Монгол Улсын 2012 оны төсвийн тухай хуульд нэмэлт өөрчлөлт оруулах тухай хуулийн төслийг хэлэлцэж эхлээд байна. Хэлэлцэж байгаа асуудалтай холбогдуулан УИХ-ын гишүүд тойрогтоо хийгдэхээр төлөвлөөд байсан хөрөнгө оруулалтын ажлууд юунаас болж гацаад буйд хариулт өгөхийг шаардаж буй юм. Мөн УИХ-ын гишүүн С.Бямбацогтын хувьд ахмад настан, хөгжлийн бэрхшээлтэй иргэдэд олгож эхэлсэн 1 сая төгрөгийн үлдэгдэл болох 340 мянган төгрөгийг хэзээ өгөх боломжтойд хариулт өгөхийг шаардлаа. Тэр дундаа хөрөнгийн эх үүсвэрийг хэрхэн шийдэх, энэ амлалтаа хэрэгжүүлж чадаагүй байж, 0-18 насны хүүхэд бүрт сар тутамд 20 мянган төгрөг олгохоор болоод байгаа нь ямар учиртай вэ. Хүүхэд бүрт олгох мөнгийг заавал одоо шийдэх ёстой юу, шинэ оноос болохгүй юу. Төсөв хүндэрлээ, мөнгө алга гэх хэрнээ. Дээр нь Ерөнхийлөгчийн зүгээс зорилтот бүлэгт хүүхдийн мөнгийг олгох төсөл санаачилсан. Одоо Ардчилсан нам хүүхэд бүрт мөнгө олгохоор болоод байна, автор нь хэн байх вэ” гэлээ.

Дээрх асуултад Ерөнхий сайд Н.Алтанхуяг хариулт өглөө. Тэрбээр “Хүний хөгжил сангаас олгосон 340 мянган төгрөгийг 18 аймгийн ахмад, хөгжлийн бэрхшээлтэй иргэд хараахан авч чадаагүй байгаа, гэхдээ өмнөх Засгийн газрын хийж чадаагүй ажлыг энэ онд багтаан хийнэ, тиймдээ ч хөрөнгийг төсвийн тодотголд суулгана. Хүүхдийн мөнгийг яагаад олгох болж байна вэ гэхээр өмнөх Засгийн газрын хоёр тогтоол байна. Би эд мөрийн баримттай ярина, өмнөх Засгийн газрын хуралдаанаас нийгмийн халамж зайлшгүй шаардлагатай өрхийн хүүхдэд сард 15 мянган төгрөгийн тэтгэлэг олгоно гэсэн. Дээр нь амьдрал ядуу өрхийн насанд хүрэгчдэд мөн мөнгө өгөхөөр заасан байсан. Нийт 40 тэрбум төгрөг шаардаж байгаа, тиймээс ингэж хавтгайруулах нь зохисгүй, халамжийг жинхэнэ хавтгайруулсан хэрэг болно. Дээр нь хүүхдүүдээ ялгаж байснаас 0-18 хүртэлх насныхандаа сар тутамд 20 мянган төгрөг олгох нь зөв юм аа гэж үзсэн. Бид хамтдаа ойлголцоод явахад хэрэгжүүлэх боломжгүй хөтөлбөр биш” гэлээ. Дашрамд сануулахад, чуулганаар төсвийн тодотголыг хэлэлцэж эхлэхийн өмнө Нийгмийн даатгалын тухай хуульд нэмэлт, өөрчлөлт оруулах тухай, Халамжийн тухай хуульд нэмэлт өөрчлөлт оруулах тухай хуулийн төслийг хэлэлцээд олонхи гишүүн дэмжсэнээр “Хуулийн төслийг хэлэлцэх нь зүйтэй” хэмээн үзэж, анхны хэлэлцүүлэгт бэлтгүүлэхээр холбогдох байнгын хороонд шилжүүлсэн юм.

Г.ДАРЬ
..:: Cүүлийн сэтгэгдлүүд ::..
Одоогоор сэтгэгдэл бүртгэгдээгүй байна.
..:: Шинэ мэдээ ::..
Дүрдэг цай эрүүл мэндэд хортой
6 минутын өмнө
“Улс төрд шинэ манлайлагч” төслийн шилдэг 90 оролцогч тодорлоо
12 минутын өмнө
Африк руу тамлах хэрэгсэл экспортлогчид олширчээ
37 минутын өмнө
“Миний хүү мөнгө завших хүн биш”
44 минутын өмнө
Т.Бямбаа: Чанаргүй зам тавьсан компаниудад хариуцлагыг чангатгах хэрэгтэй
47 минутын өмнө
..:: Холбоотой мэдээ ::..
Гишүүдийн эзгүйд хууль батлагдав
2012 оны 5 сарын 21
Хуулийн төслүүдийг шуурхай баталж байна
2012 оны 5 сарын 18
Төсвийн хүрээний мэдэгдлийг хэлэлцэв
2012 оны 5 сарын 18
“Засгийн газрын цаг” маргаан дагуулав
2012 оны 2 сарын 3
”Хөрөнгө мөнгөгүйгээс ажил явахгүй байсан”
2012 оны 1 сарын 20
..:: Өмнөх мэдээ ::..
Сургуулиудын засвар 15 гэхэд дуусна
2012 оны 9 сарын 4
Эрүүл мэндийн сайд видео хурал зохион байгуулна
2012 оны 9 сарын 4
Кристен Стюарт “Vogue”-д зочлов
2012 оны 9 сарын 4
17 настай Иран хүү өөрийгөө шатаажээ
2012 оны 9 сарын 4
10 настай охин кранд дарагдан, амиа алдлаа
2012 оны 9 сарын 4
..:: Дараах мэдээ ::..
Б.Жавзмаа хүрэл медалийн төлөө харвана
2012 оны 9 сарын 4
Криштиану Роналдугийн хүү аавыгаа дэмжжээ
2012 оны 9 сарын 4
Роналдугийн хүү аавыгаа дэмжжээ
2012 оны 9 сарын 4
Олон улсын хүнсчид Парист цуглана
2012 оны 9 сарын 4
Талийгаач охины ар гэрийнхэнд эмгэнэл илэрхийлэв
2012 оны 9 сарын 4